Stuðlaberg Fasteignasala

Stuðlaberg Fasteignasal kynnir  fimm til sex herbergja 141fm steypt einbýlishús ásamt 32fm bílskúr. 

Eignin skiptist í forstofu, forstofuherbergi, hol, eldhús, baðherbergi, þvottahús, svefnherbergisgang og fjögur-fimm herbergi.   Flísar á forstofugólfi og innaf af forstofu er lítið parketlagt forstofuherbergi.  Parket er á gólfi í holi og borðstofu en stofan er flísalögð og er hún niðurgrafin um eitt þrep. Hurð er út á afgirta verönd frá borðstofu.   Í eldhúsi eru korkflísar á gólfi, þar er ný eikar-innrétting ásamt tækjum, helluborð, ofn og háfur. Allt er nýtt í eldhúsi.    Flísar eru á gólfi og veggjum á baðherbergi, þar er lítil innrétting, sturta og baðkar. Flísar eru á gólfi í þvottahúsi og þaðan er hurð út á plan og einnig er búið að útbúa  gott herbergi inn af þvottahúsi.    Parket er  á svefnherbergisgangi og þar er skápur. Parket er á gólfum í hinum þremur herbergjunum og er skápur í einu þeirra.  Hurð er út á verönd frá hjónaherbergi.  Öll gólfefni í húsinu eru ný eða nýleg. Nýleg afgirt timburverönd er á baklóð með heitum potti og lóðin er öll í rækt og afgirt.    Hiti er í bílskúr og þar er hurðaopnari. Kjallari er undir öllum bílskúrnum með nánast fullri lofthæð svo í raun er flatarmál skúrsins um 64fm.  Steypt loftplata er í húsinu og forhitari er á miðstöðvarkerfi. Nýtt þakjárn er á húsinu sem og nýr þakkantur. Flott eign á góðum stað í afar snyrtilegri götu nærri skóla, leikskóla og verslun.